Удмуртилэн улонэз Быдӟым Атыкай ож аръёсы

1941-тӥ арын 22-тӥ инвожое гитлер Германия асьме Шаермы вылэ омырскиз. 4 часын ӵукна кунгожез утись отрядъёс, кытын Удмуртиысь ожгарчиос но службазэс нуизы, тушмонлы пумит султӥзы. Ожез ялэм бере нырысетӥ часъёсы ик элькунысьтымы каръёсысь военкоматъёс доры адямиос люкаськыны кутскизы. Соос фронтэ куриськизы. 1-тӥ пӧсьтолэзьлы Ижкарын 1 сюрс 345 куриськонъёс кутӥзы. Удмуртиысь Буре ваён книгаын гожтэмъёсъя, элькунмы тушмонэн нюръяськыны 364 сюрс пала пиоссэ но нылъёссэ келяз, 30 сюрслэсь трос улосчиосмы ожез срочной служба нуон дыръязы пумитазы. Шаерамы 30-лэсь трос общевойсковой, кавалерийской, авиационной частьёс но огазеяськонъёс кылдытӥзы.