Пеледыш тылзын 1-ше кечынже республикысе «Кече» журналлан 90 ий темеш

Пеледыш тылзын 1-ше кечынже республикысе «Кече» журналлан 90 ий темеш. Тудо школысо изирак да кыдалаш ийготан йоча-влаклан пӧлеклалтеш. Журнал 1930-шо ийыште лектын да «Пионер йӱк» лӱм дене 1936 ий марте савыкталтын. 50 ий эртымек 1986 ийыште журнал угыч савыкталташ тӱҥалын. 1991 ий гыч журнал «Кече-Солнышко» лӱмым нумалеш да кок йылме дене лектеш. «Кече-Солнышко» журналын лаштыклаштеже почеламут-влак, изи прозо, оҥай койышан материал, эртарыме конкурсын да викторинын йӧнжӧ, йоча-влакын сылнымут да художественный паша савыкталтеш. Журнал «Кече-Солнышко» марий да финно-угор калыкын тӱвырам да сымыктышым вияҥда. «МОСКО МАРИЙ ТӰВЫРА РӰДЕР» проект журналын тале пашаеҥ-влаклан кугу таум каласа. «Кече-Солнышко» журналын уло паша тӱшкалан да тудын ветеранышт-влаклан йочам куандарымыштлан кугу таум каласена, шӱм-чон дене пеҥгыде тазалыкым да перкем тыланена! Монтаж: Моско марий интернет ТВ #кечесолнышко #марижурнал #марийэл #народыРоссии #пеледыштылзе #марийскийязык #марийцымосквы #Москомарийтӱвырарӱдер