«Աբովյան time» պոդկաստի հեղինակ Արման Աբովյանի զրուցակիցը ՀՀ ԱԺ «Հայաստան» խմբակցության պատգամավոր Քրիստինե Վարդանյանն է

«Տարին ավարտում ենք ադրբեջանական նոր պահանջների ի հայտ գալով, իսկ տարին նաև սկսվեց Ադրբեջանի պահանջով, որ Հայաստանը պետք է Սահմանադրությունը փոխի։ Տարին ավարտվեց նրանով, որ Հայաստանում փաստացի բարձրագույն պետական պաշտոն զբաղեցնողը երկրորդ անգամ խորհրդարանի ամբիոնից «հիմնավորում» է թույլ բանակ ունենալու կամ բանակ չունենալու թեզը, և դա կրկնություն է ադրբեջանականա-թուրքական պահանջի»։ «Աբովյան time» պոդկաստի հեղինակ Արման Աբովյանի զրուցակիցը ՀՀ ԱԺ «Հայաստան» խմբակցության պատգամավոր Քրիստինե Վարդանյանն է։ «Մեզ ուզում են վազեցնել այնտեղ, որտեղից ամբողջ աշխարհը հետ է գալիս։ Աշխարհը չի գնում դեպի ապառազմականացում, աշխարհը գնում է դեպի ռազմականացում։ Հակադրությունը, թե կա՛մ պետք է փորը կուշտ լինի, կա՛մ ազգ-բանակ լինես, կեղծ է։ Ադրբեջանը, որը մեզ ուղիղ սպառնալիք է ներկայացնում, աշխարհի ամենաարագ տեմպերով ռազմական բյուջեն ավելացնող երկրներից է՝ 56%-ով աճել է իր ռազմական ծախսերի տեմպը, աշխարհում ցուցանիշով երրորդն է»։ Պատգամավորը բերում է աշխարհի ազգ-բանակ հայեցակարգով պետությունների օրինակը՝ Շվեյցարիա, Իսրայել, Հարավային Կորեա և այլն։