ДАГЫЛГА ЁЗУЛАЛЫ БОЛГАШ ТӨРЕЛ БӨЛҮК ЧЫЫЖЫ

Амгы үеде тыва чон суг, оваа, ыяш дагылгаларын эрттирип турар. Оларның аразында республика чергелиг (Бай-Тайганың дагылгазы), кожуун чергелиг оваа дагылгазы, кандыг-бир төрел-аймактың ыяш, суг (буга бажы дагыыры) азы от дагылгазын эрттирер дээш ылгалдыг болур. Дагылга ёзулалы болгаш төрел бөлүк чыыжының дугайында филология эртемнериниң доктору Бавуу-Сюрюн Мира Викторовна база педагогика эртемнериниң кандидады Сундуй Галина Донгаковна тодаргайы-биле тайылбырны бергеннер.