Әсә йөрәге

Айгөл Ишемғужина ӘСӘ ЙӨРӘГЕ Ғибрәтле, иҫ китер хәлдәр Була икән донъяла! ...Ике кәкүк йомортҡаһы Хасил булған ояла. “Бәләкәстәрем”, -- тип һөйөп, Барыһына йән өрөп Бер ни ҙә һиҙмәгән ҡарға Баҫа наҙына төрөп. Бына улар морон төртөр, Тәғәмләнер ярышып. Ҡанатҡайҙары нығынғас, Осор улар ҡыуышып... Әһә! Берәү ҡабыҡ сиртә! Юҡ, икәү! Ризыҡ кәрәк! Туҡ булһалар тиҙ үҫерҙәр, Талпынып тибер йөрәк!.. Килеүенә... был ни мәхшәр: Оя эсе туҙышҡан, Йомортҡалар осоп төшкән Икәү-ара һуғыштан! ...Беҙҙә лә туған ыҙғышыр, Атҡа менһә – ярашыр. Күрмәй торһа – һағынышыр, Осрашҡас, бер йырлашыр... Ә кәкүк булмышлы йәндәр Белмәй туғанлыҡ хисен: Яралып та өлгөрмәгән Башҡанан ала үсен! Ғибрәт һәм фәһем өсөн Килгәндер был донъяға. Яңғыҙы ғына ҡалып, Хужа булмаҡ ояға. Бөкрөнө төҙәтә ала Бары шул ҡәбер генә... Тик ҡайҙан дауа табырға Балам тип ситте баҫҡан Әсәнең йөрәгенә?!. ...Һин – хыялдарҙың хыялы, Теләктең дә теләге. Ҡыҙмы һин, малаймы икән? -- Бик тә килә беләһе... Тик бер нигә иман камил (Тәүфиҡтан яҙҙырмаһын!) -- Сит ояла