Қазір мені жеті айында шала туған бала болды дегенге ешкім сенбейді - экстремал атлет

НҰР-СҰЛТАН. ҚазАқпарат – Жалаң қолмен алты қатар кірпішті жалғыз ұрып сындыратын апайтөс жігіттің өнерін әлеуметтік желіден көріп бір таңғалсақ, оның жеті айлық кезінде шала туған, әлжуаз бала болғанын естіп екі таңғалдық. ҚазАқпарат тілшісі сұхбаттасқан кейіпкердің өмірі шытырманға толы қаһармандар туралы комикс сценариіне ұқсайды. Ерінбегеннің бәрі жәбірлейтін момын баланың атынан ат үркетін апайтөске айнала алатынына танымал дзюдошы, экстремал палуан, атлет Арман Сүлейменовтің өмір жолы куә.