Се́ргий Радонежский Молитва 8 октября

Сергий Радонежский. Молитва. 8 октября. Моли́тва. О свяще́нная главо́, преподо́бне о́тче, преблаже́нне а́вво Се́ргие вели́кий! Не забу́ди убо́гих свои́х до конца́, но помина́й на́с во святы́х свои́х и благоприя́тных моли́твах к Бо́гу. Помяни́ ста́до свое́, е́же са́м упа́сл еси́, и не забу́ди посеща́ти ча́д свои́х. Моли́ за ны́, о́тче свяще́нный, за де́ти своя́ духо́вныя, я́ко име́я дерзнове́ние к Небе́сному Царю́, не премолчи́ за ны́ ко Го́споду и не пре́зри на́с, ве́рою и любо́вию чту́щих тя́. Помина́й на́с, недосто́йных, у престо́ла Вседержи́телева, и не преста́й моля́ся о на́с ко Христу́ Бо́гу, и́бо дана́ тебе́ бы́сть благода́ть за ны́ моли́тися. Не мни́м бо тя́ су́ща ме́ртва: а́ще бо и те́лом преста́вился еси́ от на́с, но и по сме́рти жи́в сы́й пребыва́еши. Не отступа́й от на́с ду́хом, сохраня́я на́с от стре́л вра́жиих, и вся́кия пре́лести бесо́вския, и ко́зней диа́вольских, па́стырю на́ш до́брый; а́ще бо и моще́й твои́х ра́ка пред очи́ма на́шима ви́дима е́сть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у престо́ла Вседержи́теля предстоя́щи, досто́йно весели́тся. Ве́дуще бо тя́ вои́стину и по сме́рти жи́ва су́ща, тебе́ припа́даем и тебе́ мо́лимся, е́же моли́тися о на́с Всеси́льному Бо́гу о по́льзе ду́ш на́ших, и испроси́ти вре́мя на покая́ние, и о невозбра́нном преи́тии от земли́ на Не́бо, мыта́рств же го́рьких, бесо́в, возду́шных князе́й и ве́чныя му́ки изба́витися, и Небе́сному Ца́рствию насле́дником бы́ти со все́ми пра́ведными, от ве́ка угоди́вшими Го́споду на́шему Иису́су Христу́, Ему́же подоба́ет вся́кая сла́ва, че́сть и поклоне́ние со Безнача́льным Его́ Отце́м и с Пресвяты́м, и Благи́м, и Животворя́щим Его́ Ду́хом ны́не, и при́сно, и во ве́ки веко́в. Ами́нь. Источник: Православный портал «Азбука веры» Дни памяти: 5 июня - Собор Ростово-Ярославских святых 6 июля - Собор Владимирских святых 18 июля - Обре́тение мощей 19 июля - Собор Радонежских святых 7 сентября (переходящая) - Собор Московских святых 8 октября – Преставление Молитва к Божией Матери, читаемая преподобным Сергием Радонежским, чудотворцем. Батюшка Сергий Радонежский. 8 октября, 18 июля Сергий Радонежский. Поздравление По Млечному Пути. Песня. Памяти тех, кто ушел от нас, посвящается.