Салт1аса Г1алх1ажиясе памятник...

САЛТIА , «БАЛАГЬУН Ч1УН ВАТАНА» ГАНЧIИДЕ СВЕРАРАВ, МУНАГЬАЛ ЧУРАЯВ ГIАЛИХIАЖИГИ РакIалда буго нижер бищун тарихалда хутIараб цадахъ туркиялде гьабун букIараб сапар. Чан нухалъ абуниги, разилъуларого вукIарав ГIажихIажияс цо къоялъ, цо лахIзаталъ тIамуна дун таваккал тIамизе. Щвана нилъер магIарулазул цевехъан Сайгидпаша ГIумахановасухъе. Бицана мурад ва Сайгидпашал кумекалдалъун роржана Истамбулалде. Бана чанго къо Яловалда, бихьана гьениб бугеб имам Шамилие лъураб бюст. Гьедин «бижараб» буго доба Туркиялъул тахшагьар Анкараялда рагьараб ГIалихIажи Сайгидовасул имам Шамилил памятник. Гьай-гьай, гьелда нахъа буго нилъер халкъияв депутат КIудиямухIамадов МухIамадил бутIаги захIматги. Ахир гьев ккана циндаго ГIалихIажиги къадаралде щун, гьесул аниш гIумруялде бахъинабизе хIаракат бахъарав чиги. Гьединал пикрабазда эхетун вукIана дун Пироговасул форумалъе байбихьи лъолаго СалтIа росдал рагIалда бугеб ГIалихIажи Сайгидовасул цоги Дагъистаналдаго рагIараб мемориалияб комплексалда. Гьенибго буго