2017/08/11, Летні турнір, 8 тур, Red Bisons - SLMF - 4:7 (агляд матча)

Першы відэаагляд матча з удзелам каманды Red Bisons, знятага на дзве камеры! Летні турнір Прэм’ер-лігі 5х5, 8 тур Чыжоўка-арэна (вул.Ташкенцкая, 19) 2017/08/11, пятніца, а 20:00 Red Bisons - SLMF - 4:7 (першы тайм - 1:3) Прайграваць таксама трэба ўмець. Чарговы экзамен матчам з вельмі вартым супернікам усё ж быў правалены. Не задалося з самага пачатку, калі ўжо пасля гола з рыкашэтам у нашую браму давялося пастаянна даганяць. Дагнялі і з 1:0 да 1:1, і з 1:4 да 4:4, але ў вырашальны момант усё ж прапусцілі і адпусцілі. Не безвольна, але адпусцілі. Калі ўспрымаць турнір, як трэніровачна-эксперыментальную пляцоўку, ніякай трагедыі не адбылося. Плэй-оф у нас у кішэні, там будзе сапраўды высокія стаўкі, а зараз набіраемся досведу і падтрымліваем форму. Адзначым высокую выніковасць №17 Змітра Сташкова, які забіў ажно тры мячы, ну і ў суперніка Віктар Сысой быў традыцыйна непараўнальны. Прайгралі бойку, але не вайну, рухаемся далей!