Xudoning ma’badi - Tirik So’zlar - Botir Nuro’g’li

Yuhanno 2:19 - 25 UZLBC [19] Iso shunday javob berdi: — Mana bu Maʼbadni buzinglar, Men uch kun ichida uni tiklayman. [20] Bunga javoban yahudiylar dedilar: — Bu Maʼbad qirq olti yildan beri qurilyapti, Sen esa uni uch kunda tiklamoqchimisan–a?! [21] Holbuki, Iso Maʼbad deb Oʻzining badanini nazarda tutgan edi. [22] Iso oʻlib tirilgandan keyin, shogirdlari Uning bu gapini esladilar. Shunda Muqaddas bitiklarga va Isoning soʻzlariga ishondilar. [23] Iso Quddusda Fisih bayramida boʻlganda, koʻp odamlar Uning qilayotgan moʻjizali alomatlarini koʻrib, Unga imon keltirdilar. [24] Ammo Iso odamlarning qanaqaligini bilgani uchun Oʻzini ularga ishonmas edi. [25] Inson haqida Unga biron gap aytishning hojati yoʻq edi. Chunki inson dilida nima borligini U bilar edi. Rimliklar 8:9 UZLBC [9] Agar Xudoning Ruhi haqiqatan ham sizlarning qalbingizda makon qilgan boʻlsa, sizlar endi bashariy tabiat amri bilan emas, balki Ruh amri bilan yashayapsizlar. Kimki Masihning Ruhiga ega boʻlmasa, u Masihga tegishli emas. 1 Korinfliklar 6:19 UZLBC [19] Nahot bilmasangiz?! Qalbingizda maskan qilgan Muqaddas Ruhni Xudo sizlarga bergan. Tanangiz Muqaddas Ruhning maʼbadidir. Sizlar oʻzlaringizga tegishli emassizlar. 2 Korinfliklar 6:16 UZLBC [16] Xudoning maʼbadi bilan butlar orasida qanday umumiylik bor?! Axir, biz barhayot Xudoning maʼbadimiz–ku! Xudo shunday deb aytgan: “Men ularning orasida yashayman, Ularning orasida yuraman. Men ularning Xudosi boʻlaman, Ular esa Mening xalqim boʻladi.” 1 Korinfliklar 3:16 UZLBC [16] Nahotki bilmasangiz?! Sizlar Xudoning maʼbadisizlar, Xudoning Ruhi orangizda maskan qilgan.