Шляхта Беларусі і анатомія лёсу | Паданне пра шляхетнасць: ліцвіны vs маскалі | Міфы пра беларусаў

Гэтым разам папоўнім міфы пра беларусаў новай гісторыяй, у якой фігураваць будзе шляхта Беларусі. Ходзяць людзі па свеце, шчасця шукаюць. Шмат ліцвінаў бадзялася, ды і бадзяецца, па дальніх ды блізкіх краінах. Прыпала неяк Хвёдару – дробнаму шляхціцу ў маскалі падацца. Падалося яму, што не надта добра плацяць на роднай старонцы... Ужо не засталося гарадочка, дзе б не шукаў вялікіх грошай ды славы Хвёдар, сведчаць міфы Беларусі. Прыехаў нарэшце ў Менск. Адразу відаць, не сталічны горад, куды яму да Вільні! Але ж і тут усе фанабэрацца шляхетнасцю – беларуская шляхта, а ў кішэнях... добра, каб толькі дзіркі не было! Ды кожны ж ПІСЬМЕННЫ! А калі не – дык ты просты мужык, нават калі і шаблю носіш. Хвёдар да навукі быў не надта спрытны... Але сёе-тое ведаў, нават меў здольнасць лічыць. Праўда, у вёсачках разумелі не лічыць, а лячыць. Праз тое яго дохтарам звалі. Хвёдар не пярэчыў, нават нейкую паперу зрабіў, што вучыўся ў дохтара, які набыў веды ў самой Празе. Дробныя грошы меў