Беларустун борборунда коргоо жана коопсуздук тармагындагы аскер-техникалык кызматташтык маселелери боюнча 23 эл аралык илимий конференциясы менен айкалышта MILEX-2023 көргөзмөсү өттү.
“Минск-арена“ комплекси дүйнөнүн отуз өлкөсүнөн 170 катышуучу уюмду, курал, аскердик жана атайын техниканын, атап айтканда, учкучсуз, ок өткөрбөс техника, ракеталык комплекс, аба чабуулунан коргонуу тутумдары, коргоо жана коопсуздук жаатындагы технологиянын болгон түрү боюнча 500 үлгүнү өзүнө батырды.
Көргөзмөдө таңгалдырган үлгүлөр коюлду. Алар: “Буревестник“, “Ловчий“, “Чекан“ менен “Орион“ чалгындоочу-сокку уруучу учкучсуздар, ошондой эле учкучсуз Hunter тик учагы, “Миротворец“ учкучсуздарга каршы күрөшүүчү мобилдик комплекси, дрондор менен күрөшүүчү “Кречет“ аскердик модулу эле.
Роботтоштурулган “Берсерк“ сокку уруучу комплекси да кызыгуу жаратпай койгон жок. Дүйнөдө кыйла белгилүү, 300 чакырымга чейинки аралыкка ылайыкталган “Полонез“ залптык октун реактивдүү тутумун MILEX-2023 көргөзмөсүндө ушундай эле, бирок чакан, тагыраак, 52 чакырымдык аралыкты багындыра алар “Флейта“ системасы толуктап турду.