Бишкекте кандай батирлер арзандады?

105-сериядагы бир бөлмөлүү батирлердин баасы бир кыйла түштү. Бир ай ичинде анын наркы 1000 долларга ылдыйлаган. Июнда эле мындай батирлер 52 миң доллар болуп жаткан. Андан да көбүрөөк бир бөлмөлүү “хрущевкалар” арзандаган. Ай ичинде ал 1100 долларга түшүп, учурда баасы 43,5 миң доллар болуп жатат. Ал эми 104-сериядагы бир бөлмөлүү батирлер 1500 долларга чейин арзандап, аны 48 миң долларга сатып алууга болот. Ошол эле сериядагы эки бөлмөлүү батирлер да 1500 долларга арзандап, 60 миң 500 долларга бааланууда.