Ирина Котина - ТЕШТЕНЬ МАСТОР (на стихи Николая Ишуткина)

ТЕШТЕНЬ МАСТОР Николай Ишуткин Сайса ды эсь венченть нолдаса Сэняжа арсемаван-лейгам. Каштмолемасо оймем шляса Ды сырган паро ёжо мельга. МОРОЮТКОСЬ: Маряса, кода паро ёжось Валови рунговам, морокс Секскак, илязан понго козонь, Мон бажан ТЕШТЕНЬ МАСТОРОВ Кончтан кенярксов лецтнемантень, Ютан эзганзо састо-састо. Венчем лоткавтса се таркантень, Конань лемезэ ТЕШТЕНЬ МАСТОР. МОРОЮТКОСЬ: Маряса, кода паро ёжось Валови рунговам, морокс Секскак, илязан понго козонь, Мон бажан ТЕШТЕНЬ МАСТОРОВ Муса ламонь ютксто эсь тештем, Потмаксос потмом тензэ панжса. Валсы валдосонзо монь мештем, Валдомтсы, нусманячинть паньсы. МОРОЮТКОСЬ: Маряса, кода паро ёжось Валови рунговам, морокс Секскак, илязан понго козонь, Мон бажан ТЕШТЕНЬ МАСТОРОВ