Православный † календарь; Четверг, 23 февраля, 2023 / 10 февраля, 2023 (по ст.ст.)

Православный † календарь; Четверг, 23 февраля, 2023 / 10 февраля, 2023 (по ст.ст.) Седмица 3-я предуготовительная (сырная). Глас третий. Масленица. Из трапезы исключается мясо Прп. Шио Мгвимского (VI) (Груз.) (переходящее празднование в четверг сырной седмицы). Сщмч. Харалампия и с ним мчч. Порфирия, Ваптоса и 3-х мучениц (202). Сщмч. Петра и Валериана пресвитеров (1930). Новосщмч. Анатолия (Грисюка), митр. Одесского (1938). Блгв. кн. Анны Новгородской (1056). Прп. Прохора Печерского, в Ближних пещерах (1107). Прп. Лонгина Коряжемского (1540). Св. Галины (III). Мцц. дев Еннафы, Валентины и Павлы (308). Иконы Божией Матери “Огневидная“. Собор Новгородских святителей: Иоакима (1030), Луки (1058), Германа (1095), Аркадия (1162), Григория (1193), Мартирия (1199), Антония (1232), Василия (1352), Моисея (1362), Симеона (1421), Геннадия (1504), Пимена (1571) и Афония (1648). Свт. Анастасия, архиеп. Иерусалимского (Греч.). Мч. Харалампия (другого) и с ним трех спутниц (Греч.). Св. Схоластики Итальянской, сестры Св. Бенедикта (543). Преп. Иоанна Чимчимели Бачковского и Гремского (XIII) (Груз.). Св. Мервины игумении Ромсейской. Чтения дня Иуды 1:11-25 Луки 23:1-34, 44-56  ТРОПАРИ Прп. Шио Мгвимского. Тропарь, глас 8. В тебе́, о́тче, изве́стно спасе́ся е́же по о́бразу,/ прии́м бо крест, после́довал еси́ Христу́,/ и, де́я, учи́л еси́ презира́ти у́бо пло́ть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бне Ши́о, дух твой. Кондак, глас 4. Житие́ твое́ служе́нием Госпо́дним испра́вил еси́/ и, взем крест, оста́вил еси́ вся жите́йская,/ красото́ пусты́ни, преподо́бне Ши́о./ Кого́ у́бо па́че тя, и по сме́рти жи́ва су́ща/ страна́ Иве́рская почита́ет/ и мощми́ твои́ми, от гро́ба явле́нными услажда́ется,/ те́мже не преста́й моля́ся о нас ко Го́споду. Сщмч. Харалампия. Тропарь, глас 4. Я́ко столп избра́нный Це́ркве Христо́вой/ и свети́льник присносве́тлый всея́ вселе́нныя,/ прему́дре показа́ся, Харала́мпие,/ возсия́ в ми́ре муче́нием,/ разруши́ и́дольское мракобе́сие, блаже́нне,/ сего́ ра́ди яви́ся предста́тель Христу́,/ моли́ся спасти́ся нам. Кондак, глас 8. Подо́бствовав благода́тию свяще́нства, сла́вне,/ Це́рковь све́тло украси́л еси́ Боже́ственным страда́нием,/ е́же за Христа́ прия́л еси́ до́блественно, ра́дуяся, Харала́мпие,/ честны́й свети́льниче всеми́рный, осиява́яй концы́,/ я́ко непобеди́мый. Прп. Прохора Печерского, в Ближних пещерах. Тропарь, глас 4. Преподо́бне и чудотво́рче, о́тче Про́хоре,/ препита́вый во гла́де а́лчущия хле́бом от бы́лия и со́лию от пе́пела,/ напита́й и нас пи́щею духо́вною,/ моля́ Хри́ста Бо́га/ о душа́х на́ших Кондак, глас 2. Ве́лиим воздержа́нием удруча́я плоть свою́, свя́те,/ лиши́вся пи́щи челове́ческия,/ зе́лием и траво́ю вме́сто хле́ба, пе́пелом же, а́ки со́лию, пита́лся еси́,/ чудоде́йственне Про́хоре./ Éже ви́дя, Госпо́дь преложи́ зе́лие во хлеб и пе́пел в соль,/ и́миже ты мно́жество гла́дных препита́л еси́,/ тем тя чтем и ублажа́ем. Прп. Лонгина Коряжемского. Тропарь, глас 1. От мяте́жа мирска́го удали́вся,/ к немерца́ющему Све́ту прите́кл еси́,/ преподо́бне о́тче Ло́нгине,/ и ны́не чи́сте зри́ши Святу́ю Тро́ицу,/ Ю́же моли́ за ны недосто́йныя,/ да спасе́т ду́ши на́ша. Кондак, глас 8. По словеси́ Учи́теля Христа́,/ крест на ра́мо твое́ прия́л еси́,/ вся жите́йская отри́нув,/ и о́браз Животворя́щаго Дре́ва в пусты́ню прине́сл еси́,/ иде́же доны́не исцеле́ния неоску́дно источа́ются/ с ве́рою приходя́щим к тебе́. Блгв. кн. Анны Новгородской. Тропарь, глас 1. От за́пада возсия́вши, я́ко звезда́ небосве́тлая,/ прия́ти Правосла́вную ве́ру сподо́билася еси́,/ в не́йже плод благосла́вный Ру́сской земле́ прине́сши,/ свята́я благове́рная княги́не Áнно,/ Христа́ всем се́рдцем возлюби́ла еси́,/ Того́ оправда́ния и зако́ны храня́щи;/ те́мже днесь всесвяту́ю твою́ па́мять пра́зднующе,/ грехо́в оставле́ние моли́твами твои́ми прие́млем. Кондак, глас 4. Днесь в све́тлой па́мяти твое́й/ Вели́кий Но́вград весели́тся,/ созыва́я всех ве́рных све́тло пра́здновати па́мять твою́,/ и мы ны́не, духо́вно ликовству́юще,/ ра́достно сла́вим тя и мо́лим:/ свята́я благове́рная княги́не Áнно,/ предстоя́ Святе́й Тро́ице/ моли́ изба́вити Вели́кий Но́вград и всю зе́млю Ру́сскую/ от вся́ких бед и обстоя́ний и всем нам спасти́ся.