ннхълджы уаврты м мидхъуыддгты министрадты кусджыт сарзтой иумйаг рейд

Ног Азы бæрæгбонмæ ма баззад къуырийæ чысыл фылдæр, адæм сæхи цæттæ кæнынц, ирд æнкъарæнтæ райсынмæ, амал кæнынц фейерверктæ. Æнæнхъæлæджы уавæрты æмæ мидхъуыддæгты министрадты кусджытæ сарæзтой иумæйаг рейд сæрмагонд дукнитыл. Сбæрæг кодтой, сæртификаттæ сæм ис, æви нæ, уый. Æнæ бардæттæг гæххæттытæй продукци уæй кæнæн нæй. Алы позицийæн дæр хъуамæ уа инструкци уырыссаг æвзагыл. Пиротехникæ парахат кæнæн ис, æрмæст сæрмагонд дуканиты. Æнæнхъæлæджы уавæрты æмæ мидхъуыддæгты министрадты кусджытæ бабæрæг кодтой Заз бæлæсты базартæ. Зæгъæм, уынджы фейерверктæ суымæл уыдзысты, æмæ афтæмæй адæймаджы æнæниздзинадæн тæссаг сты. Гæнæн ис, æмæ дзаума къухты срæмудздзæн. Специалисттæ зæрдыл лæууын кæнынц, салюттæ уадзæн ис æрмæст гом арвы бын, хæдзæрттæй 50 метры дарддæр. Кæд петардæ не схæцыд, уæд æм хæстæг цæуæн, уæлдайдæр та æвналæн нæй. Банхъæлмæ кæсын хъæуы 15 минуты, уый фæстæ йæ донæй аххуысын кæнын.