Молитва мироносице равноапостольной Марии Магдалине. Память 4 августа.

Молитва мироносице равноапостольной Марии Магдалине. Память 4 августа. О, свята́я мироно́сице, равноапо́стольная Магдали́но Мари́е! Ты те́плою любо́вию свое́ю ко Христу́ Бо́гу попра́ла еси́ злы́я ко́зни вра́жия и обрела́ еси́ безце́нный би́сер, Христа́, и дости́гла еси́ Ца́рства Небе́снаго. Сего́ ра́ди к тебе́ припа́даю и умиле́нною душе́ю и сокруше́нным се́рдцем вопию́ ти, аз, недосто́йный: при́зри с высоты́ Небе́сныя на мя, бори́маго грехо́вными искуше́нии, виждь, коль мно́гими грехи́ и бе́дами на всяк день враг запина́ет мя, ища́ моея́ поги́бели. Сла́вная и всехва́льная учени́це Христо́ва Мари́е! Умоли́ возлю́бленнаго тобо́ю и возлюби́вшаго тя Христа́ Бо́га, да пода́ст ми оставле́ние мно́гих мои́х прегреше́ний, укрепи́т мя благода́тию Свое́ю тре́звенно и бо́дренно ше́ствовати путе́м святы́х за́поведей Его́ и да соде́лает мя благоуха́нный храм Ду́ха Свята́го, да та́ко в ми́ре непосты́дно сконча́ю многотру́дное житие́ мое́ на земли́ и вселю́ся во све́тлыя и блаже́нныя оби́тели рая́ Небе́снаго, иде́же ты со все́ми святы́ми вы́ну ра́достно славосло́виши Единосу́щную Тро́ицу, Отца́, Сы́на и Ду́ха Всесвята́го. Ами́нь. Братья и сестры, о Святой Марии Магдалине вы можете посмотреть видео. Ссылки есть в описании. Свята́я равноапóстольная Мари́е, моли́ Бо́га о на́с. Святая Мария Магдалина. Короткие рассказы детям Равноапостольная Мария Магдалина. 4 августа Источник (текст): Православный портал «Азбука веры»