Людзі з абмежаванымі магчымасцямі весела і цікава праводзяць свой час летам

Радуюцца летнім дням не толькі выхаванцы аздараўленчага лагера «Космас» і школьных лагераў, якія таксама ўжо пачалі сваю працу. Папраўляюць сваё здароўе і наведвальнікі летняга лагера, арганізаванага на базе цэнтра карэкцыйна-развіваючага навучання і рэабілітацыі, да якіх прыходзяць у госці іх дарослыя таварышы з цэнтра дзённага знаходжання для інвалідаў раённага цэнтра сацыяльнага абслугоўвання насельніцтва. А падчас адпачынку і падобных сустрэч арганізоўваюцца цікавыя і карысныя для людзей з абмежаванымі магчымасцямі мерапрыемствы.