ЖАУАП. Автор: Мерген ТОҚСАНБАЙ. Оқыған: Ақан сері мәдениет колледжінің студенттері

ЖАУАП Автор: Мерген ТОҚСАНБАЙ. Оқыған: Ақан сері мәдениет колледжінің студенттері «Жұматайым Сіз менің...» Оның хатынан. Білемін бəрін, жарығым, Сеземін бəрін… Менің де бүгін жаным – мұң, Өзегім – жалын. Тереземде мұз қатып тұр, Жасымдай болып, Өзіңсіз өткен уақыт бұл – Ғасырдай болып. Көтертпей қойды еңсені Қалың тұман – мұң… Сағынып қалдым мен сені, Сағындым, жаным! Айтқым кеп саған… сөзім көп, Айта алмай жүрген. Өзің кеткелі көзімде от, Байқалмай мүлдем… Жанымның жайлау төрі анау – Ызғар өпкендей. Көңлімнің айдын көлі анау – Құстар кеткендей. Еске алып сол бір мөп-мөлдір Түстей шақтарды. Қайта оқып түнім өтті əрбір Хұснихаттарды. Жаныма сая жоқ сенсіз, Дауыл əр күнім. Жүрегім қалып көктемсіз, Ауырар бүгін. Ойыма қанша оралып, Еркелеткенім… Өкінтті қанша – ол анық, Өкпелеткенім… Бір жүрген кездің куəсі, Фотоларды өзім, Жүз рет көрдім расы, Боталап көзім. Білтелі шамдай үмітті, Өшіргім келмей. Қап-қара қапас күдікті, Кешірдім түндей. Алағайлы шақ өткеріп