Փաշինյանի ասուլիսի հետքերով. «Աբովյան Time»–ի հյուրը միջազգայնագետ Գրիգոր Բալասանյանն է

Այսօրվա ասուլիսում Նիկոլ Փաշինյանի հնչեցրածը հուսահատության հայտարարություններ էին։ «Աբովյան Time»–ի եթերում այս տեսակետը հայտնեց միջազգայնագետ Գրիգոր Բալասանյանը։ Նա համոզված է, որ Ադրբեջանի հետ ամեն գնով խաղաղության հասնելու քաղաքականությունը ձախողված է։ «Այսօրվա ասուլիսից տպավորություն ստեղծվեց, որ աշխարհաքաղաքական կենտրոններից մեկը կամ երկուսը Հայաստանին կանգնեցրել են փաստի առաջ և նետել անկյուն, որից կարող ենք դուրս գալ կա՛մ պատերազմի միջոցով, կա՛մ դաշնակիցների հետ հարաբերությունները վերականգնելու և նրանց միջոցով, կտեսնենք, թե որը կընտրի Հայաստանը»,–ասաց միջազգայնագետը։ Հարցազրույցի ընթացքում նա անդրադարձել է նաև ասուլիսում հնչեցված այլ հայտարարությունների, հայ–իրանական, հայ–ռուսական հարաբերություններին, ԵՄ դիտորդների`Եղեգնաձորում բացված շտաբին, Իրանի համար այդ դիտորդների ներկայության հնարավոր վտանգներին, ինչպես նաև միջազգային երաշխիքներին և ՀՀ անելիքներին։