Килей - Нейросеть (текст, минус)

Килей Слова: Серафима Люлякина Музыка и Исполнение: Нейросеть Вай, луга, луга, пиже лугине, Те луганть лангсо касы килейне. Касы килейне аволь сэрейне, Аволь алкине, сон пек мазыйне. Сон пек мазыйне ашо палясо, Палядо мазый пиже фатазо, Палядо мазый пиже фатазо, Мелявтозь аштить сонзэ лопанзо. Мелявтозь аштить сонзэ лопанзо, Сельведькесэ шлязь весе чамазо. - Мейс тон авардят, килей-сазорнэм? - Эри седейсэть пек покш горине! Секс мон авардян, пиче-дугинем, Арась вакскесэн тумо-ялгинем, Тумо ялгинем, седеймарийнем, Кежей вармадо сон монь ванстыйнем! Толонь пиземесь сонзэ мендизе, Стака даволось кавтов синдизе. Стака даволось кавтов синдизе. Мода масторось сонзэ примизе. Секс мон авардян, пиче-дугинем, Секс мон мелявтан, пиче-патинем: Седей лангстон монь ризксэсь а шляви, Седей ёжостон сталмось а туи. Песня исполняется машиной, могут быть ошибки в произношении Скачать Минус