Алтын таққа лайықты асыл жандар

Әке және ана... Бұл постты жазуыма да себепкер осы аяулы асыл жандар. Себебі, биыл 2018 жылдың 18 тамыз айы ата-анамның Алла алдында ақ некелерін қиып, шаңырақ көтергеніне 50 жыл толған Алтын тойлары. Жарты ғасыр ғұмырларын қол ұстасып бірге өткізген ұлағатты отбасы 6 қыз, 3 ұлды тәрбиелеп өсірді. Тамырын тереңге жайған мәуелі бәйтеректей бала-шағасынан 11 немере, 25 жиен немере көріп отырған бақытты ата мен әже. Қазіргі уақытта өз еңбектерінің зейнетін көріп отырған Ол кісілердің өмірлері бүгінгі ұрпаққа үлгі – өнеге боларлықтай. Әкем Мамыт Рахимов 1947 жылдың 1 наурыз күні Жамбыл облысы, Луговой ауданында дүниеге келген. Алматы қаласындағы Қазақ Мемлекеттік ауылшаруашлық институтына түсіп, экономист мамандығын оқып бітірген. Еңбек жолын Құмарық ауылында (бұрынғы Карл Маркс колхозы) бастаған. 1970-73 жылдары экономист, 1973-86 жылдары бас экономист, 1986-90 жылдар арасында басқарушы, 1990-2000 жылдары қайтадан бас экономист, 2000-2003 жылға дейін бас бұхгалтер болып қызмет атқарған. Зейнеткерлікке