ИФТАРЫ В РАЙОНАХ

Изге ярамазан ае барган көннәрдә Ульяновск өлкәсенең милләттәшләребез яши торган районнарында күмәкләшеп Ифтар мәҗлесләре уздыру әле яңа гына гадәткә кереп бара. Өлкә мөфтиятендә әйтүләренә караганда, быел төбәктәге 24 районның 15 ендә изге аш мәҗлесләре узган. Шунысы да игътибарга лаек, ифтарларның һәрберсендә дә район башлыклары шәхсән үзләре катнаша һәм мөселманнарны Рамазан ае белән котлыйлар. Ульяновск татарларының яңа башлангычы хакында Рамис Сафин хәбәр итә.