Таче Анисья Федоровна Федорован шочмыжлан 90 ий

📢 Калыкым волгалтарымаш пост: Таче Анисья Федоровна Федорован шочмыжлан 90 ий (1930-1982). Марий актриса, Марий АССР-ын сулло артистше (1972), Марий АССР-ысе Кугыжаныш премийын лауреатше (1978). Ониса Федорова 1930 ийын ӱярня тылзын 26-шо кечынже Озаҥ губерний Чарла уезд Йыгын ялеш (кызыт Морко вел) кресаньык ешеш шочын. Морко кыдалаш школым тунем пытарен. Артистлык улмо дене да воштылтарен моштымыж дене йоча годсек ойыртемалтын. Актёр профессийым тудлан артист Т. Григорьев ойырен налаш темлен. 1948 ийыште И.С. Палантай лӱмеш Музыкально-театральный училищын театр пӧлкашке тунемаш пурен . Тунем пытарымек, 1952 ийыште М. Шкетан лӱмеш Марий Кугыжаныш театрын труппышкыжо ушнен, тудын сценыште кумло ий пашам ыштен. ... Муро: kurbatov & martynov a2 Монтаж: Служба видеомаркетинга #марийэл #театр #муро #народыРоссии #йылме #мариййылме #марийскийязык #театршкетана #марийцымосквы #марийактриса