Тропарь:
Днесь ра́дуется сла́вная страна́ Сиби́рь, обре́т святы́я мо́щи твоя́ внутрь себе́. Архиере́е, свяще́нницы и весь сонм людски́й духо́вне веселя́щеся, вопие́м ти: о Богому́дре Симео́не! Изба́ви нас, и́же к тебе́ прибега́ющих, от всех бед, прося́ пода́тися всем по коего́ждо проше́нию, и изба́витися стране́ сей и гра́ду от о́гненнаго запале́ния и пога́нскаго наше́ствия и междоусо́бныя бра́ни и от вся́каго зла. Те́мже и мы вси чтем ны́не честны́х и многоцеле́бных моще́й твои́х пренесе́ние, но́вый целе́бниче, и вопие́м: сла́ва Даю́щему тобо́ю всем исцеле́ние!
Кондак:
Наста́ днесь всечестна́я па́мять но́ваго целе́бника пра́веднаго Симео́на, созыва́ет же лю́ди в пречестны́й храм свята́го Бо́жия архиере́я Никола́я, иде́же ра́достно соше́дшеся благочести́вых мно́жества, ве́село пра́зднуют пренесе́ние честны́х и многоцеле́бных моще́й твои́х пра́здник. Ты бо яви́лся еси́ гра́ду на́шему, и всей Сиби́ри врачевство́ безме́здное, подава́я исцеле́ние с ве́рою приходя́щим к тебе́, Симео́не всеблаже́нне. Но я́ко име́яй дерзнове́ние ко Влады́це Христу́, Того́ моли́ спасти́ град и лю́ди, моля́щияся тебе́, па́че же хода́тай бу́ди ко Го́споду во дни наше́ствия печа́ли рабо́м твои́м, да зове́м ти: ра́дуйся, Сиби́рстей стране́ похвало́ и утвержде́ние гра́ду на́шему.
Молитва:
О святы́й и пра́ведный Симео́не, чи́стою душе́ю твое́ю в Небе́сных оби́телех в ли́це святы́х водворя́яйся, на земли́ же с на́ми неотсту́пно пребыва́яй! По да́нней ти благода́ти от Го́спода моли́тися о нас, ми́лостивно при́зри на нас многогре́шных, а́ще и недосто́йне, оба́че с ве́рою и упова́нием к тебе́ притека́ющих, и испроси́ нам от Бо́га проще́ние согреше́ний на́ших, в ня́же впада́ем мно́жицею во вся дни жития́ на́шего. И я́коже пре́жде о́вым у́бо, от о́чныя зе́льныя боле́зни ни ма́ло зре́ти могу́щим исцеле́ние оче́с, о́вым же близ сме́рти бы́вшим от лю́тых неду́гов врачева́ние, и ины́м ина́я мно́гая пресла́вная благодея́ния дарова́л еси́: си́це изба́ви и нас от неду́гов душе́вных и теле́сных и от вся́кия ско́рби и печа́ли, и вся блага́я к настоя́щему житию́ на́шему и к ве́чному спасе́нию благопотре́бная нам от Го́спода испроси́, да та́ко твои́м предста́тельством и моли́твами стяжа́вше вся нам поле́зная, а́ще и недосто́йнии, благода́рне восхваля́юще тя, просла́вим Бо́га, ди́внаго во святы́х Свои́х, Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.
1 view
13
5
4 months ago 00:28:50 1
Сергей Сологуб о севастопольской кают-компании (Скажите честно. 27 ноября 2023)
4 months ago 00:05:07 1
Как умер Иисус Христос - факты научных исследований
4 months ago 00:32:01 1
АРХАНГЕЛ ГАВРИИЛ. Священник Валерий Духанин
4 months ago 00:02:27 1
Преподобная Ма́рфа Дивеевская (Милюкова). Житие Тропарь общий Духовное песнопение
4 months ago 00:03:09 1
ПРОВОДНИК | ОСВЯЩЕНИЕ — Святость Бога
4 months ago 01:45:41 1
РУКОВОДСТВО К ДУХОВНОЙ ЖИЗНИ в ответах на вопросы :: профессор Осипов А.И.