Газ менен жүргөн унаалар өрттөнүп кеткен учурлар бар

Азыр газ менен жүргөн машиналар көбөйө баштады. Бизге келгендер аз деп да айта албайм, көп деп деле айта албайм. Унаага газды орнотуу кандай болуп жатат же биздин жолдор жаман болгон үчүнбү, газ орноткон жери жылышып кетет окшойт. Ошондо газ салондун ичине кирип өрттөнүп кеткен учурлар болуп бейтаптар бизге келди. Каза болуп калган да учур бар. Ошондуктан газды кесипкөй адамдар орнотушу керек. Ошентип күйүк алып келгендер “машинанын ичинде газ жыттанып жаткан” деп айтышат. Көрдүңүздөрбү? Газ салонго кирет экен да. Ал кичинекей себеп болсо эле дүрт этип күйүп кетет да. Газ деген тез күйүүчү зат да, ошентип терең күйүп келгендер да бар. Ошондуктан газдан этият болуш керек.