Преподобная Матрона Константинопольская

Канон святой преподобной Матроне Константинопольской Припев: Преподóбная мáти Матрóно, моли́ Бо́га о на́с. Память: 22 ноября (09 ноября ст. ст.) Глас 8. __ Преподобной Матроне Константинопольской Тропари, глас 8: Мужескому́дрено утаи́вшися вра́жиих лука́вых путе́й, Матро́но,/ к жи́зни вои́стину ше́ствовавши несумне́нною во́лею/ и неукло́нное тече́ние Богому́дро сконча́вши,/ от Христа́ прия́ла еси́ благода́ть духо́вную,/ тем и во́ду цельба́м источа́еши/ любо́вию притека́ющим в па́мять твою́ сла́вную,/ мни́хом похвала́,// моли́ Христа́ Бо́га спасти́ся душа́м на́шим. Кондак, глас 2: За любо́вь Госпо́дню, преподо́бная Матро́но,/ поко́я жела́ние возненави́дела еси́,/ поще́нием дух твой просвети́вши,/ но твои́ми моли́твами и проти́вных шата́ния разори́,// кре́пко бо зве́ри победи́ла еси́. Величание Ублажа́ем тя,/ преподо́бная ма́ти Матро́но,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.