Бишкекте Россия-Кыргыз өнүктүрүү фондунун 10 жылдыгы белгиленди

Салтанатта Кыргызстан менен Россиянын президенттери жолдогон куттуктоолор окулду. “Фонд бекем достугубуздун жана стратегиялык өнөктөштүгүбүздүн символу болуп калды. 2014-жылы РКӨФтүн түзүлүшү мамилелерди чыңдоодогу маанилүү кадам болгон“, — деген Кыргызстандын президенти Садыр Жапаров. Мамлекет башчы фонд экономиканын катализатору болгонун белгилеген. Ал эми РФ лидери Владимир Путин РКӨФтү түзүү эки өлкөнүн өнөктөштүгүн тереңдеткенине токтолгон. РКӨФтүн башчысы Артем Новиков 2030-жылга чейин фонд 2 млрд. доллар тартаарын, алардын жарымы фонддун акчасы болорун айткан.