БҮГЭДЭ БУРЯАДАЙ ҮНДЭhЭН СОЁЛОЙ ЭБЛЭЛЭЙ ХУРАЛДААН

Буряад Уласай ниислэл Улаан-Үдэдэ Бүгэдэ буряадай үндэhэн соёлой эблэлэй 7-дохи хуралдаан 2024 оной февралиин 2-то боложо үнгэрбэ. Эрху можоhоо, Үбэр-Байгалай хизаарhаа, Монгол Уласhaа, Үбэр Монголhоо, Буряад Уласhаа буряад арадай 500 гаран түлөөлэгшэд-делегадууд сугларжа олон асуудалнуудые зүбшэн хэлсэжэ, ерээдүйн хараа бодолнуудые, зорилгонуудые урда табижа, шэнэ президиум hунгаба. ВАРК-ын президентээр Чимит Бальжинимаев hунгагдаба. Агын тойрогой хүтэлбэрилэгшын орлогшо Билигма Батордоржиевна Будаева хуралдаанда үгэ хэлэнэ.