Елбасы Нұрсұлтан Назарбаевтың Жамбыл облысына жұмыс сапары

Бүгін Қазақстан Республикасының Президенті Нұрсұлтан Назарбаев Жамбыл облысына жұмыс сапарымен келді. Бірқатар нысандарды аралап, өңірдің әлеуметтік-экономикалық ахуалымен танысты. Елбасы Нұрсұлтан Назарбаев аймақтағы жұмыс сапары барысында 2016 жылдың қыркүйек айында халық игілігіне берілген Достық үйінің тынысымен танысты. Көне шаһар көркіне көрік қосқан ғимараттың құрылысына ел қазынасынан 1 млрд 277 млн теңге жұмсалған. Сәулеті ерекше 3 қабатты нысан 8 тірекке бекіп, қазақ үйі іспеттес салынған. Жоғары жағында шаңырақ бейнеленсе, бұл Ұлы дала төріндегі Жамбыл жерінде 80-нен астам ұлт өкілдерінің бейбітшілік бесігінде тербелуінің бір белгісі. Мұнда мәуелі бәйтерекке жамбыл жұртшылығына деген жүрекжарды лебізін жазып қалдырған ұлт көшбасшысы еліміз үшін рухани жаңғырудың өзектілігіне тоқталды. #qaztrkaimaq