Саҡмағош районында күп балалы ғаиләләргә 500 мең һум күләмендә әсәлек капиталы бүленә

Саҡмағош районында ауыл хужалығы өлкәһендә эшләгән күп балалы ғаиләләргә 500 мең һум күләмендә әсәлек капиталы бүленә. Базы хужалығында матди ярҙам өс һәм унан да күберәк бала тәрбиәләүселәргә бирелә. Ғаиләләр бер йыл эсендә сертификаттың 100 мең һумын ғына тотона ала. Матди дәртләндереү демографик хәлде яҡшырта, ауылға йәштәрҙе ылыҡтырырға ярҙам итә. Дүрт ғаиләгә яртышар миллион һум аҡса бүленгән. Программа 2000-cе йылдар башынан эшләп килә. Бер-нисә йыл түләүҙәр туҡтап тора, әммә быйылдан матди дәртләндереүҙе яңынан башлайҙар, тик ғаиләләр йылына йөҙ мең һумлыҡ сумманы ғына тотона ала. «Базы» хужалығы Саҡмағош районының 33 хужалығында социаль инфраструктураға яуаплы. Уларҙың һәр береһендә етештереү майҙандары бар. Хужалыҡҡа шулай уҡ эшсе көстәр ҙә кәрәк. Ҡала һәм ауылдарҙан килгән белгестәр торлаҡ менән тәьмин ителә. 11 йорт үҙ хужаһын көтә.