“Башҡортостан-дуҫлыҡ иле“ “Многонациональный Башкортостан“

“Башҡортостан-дуҫлыҡ иле“ Вәлит Илембәтов Һүҙҙәре. Резида Аминева көйө Ҡәҙерленән дә ҡәҙерле Ер йөҙөндә бер генәм. Күп милләтәрҙең төйәге Башҡортостан илгенәм! Һиндә татыу, дуҫ йәшәйҙәр Бар халыҡтар берләшеп, Былбылдар кеүек һайрашып, Күгәрсендәй гөрләшеп. к - та Тыуған яҡҡа һөйөү йыры Яңғырай төрлө телдә. Тыныс булһын был донъялар, Именлек булһын илдә! Ауыр саҡта ҡәрҙәштәрен Үҙенә һыйындырған, Үҙенә булмағанда ла Уларҙы туйындырған. Фәрештәләй изге йәнле, Ҡунаҡсыл халҡым минең. Башҡалар шәп, ә шулай ҙа Үҙ халҡым алтын минең! Халҡым мәңге ил һаҡлаусы, Ҡурсалаусы хәлендә. Рәсәйҙе Башҡорт ҡоткара Ҙур һынауҙар мәлендә. Рәсәй иленә нур һибеп Яҡтыра, балҡый гелән, Киң куңелле, саф йөрәкле Ҡаһарман халҡы менән