Ադրբեջանն ու Թուրքիան միշտ փորձել են նսեմացնել Հայաստանի դերը նաև Արաբական երկրների լիգայում

Վկայակոչելով արցախյան հիմնախնդիրը` Ադրբեջանն ու Թուրքիան միշտ փորձել են իսլամական համերաշխության գործոնն օգտագործել սեփական շահերի համար և նսեմացնել Հայաստանի դերը նաև Արաբական երկրների լիգայում, ու մեր իշխանությունն ու հատկապես դիվանագիտական կորպուսը պետք է մեծ ջանքեր գործադրեն, որպեսզի կարողանան արդյունավետորեն հակազդել ադրբեջանաթուրքական տանդեմի գործելակերպին, Sputnik Արմենիայի հետ զրույցում նշեց ԱԺ նախկին պատգամավոր, պատմական գիտությունների թեկնածու, դոցենտ Գոռ Գևորգյանը։ Նրա կարծիքով` Հայաստանի համար չափազանց կարևոր է պահպանել ներկայությունը Մերձավոր Արևելքում, մասնավորապես` արաբական աշխարհում, որտեղ կան բավականաչափ կազմակերպված և ակտիվ հայկական համայնքներ։ Կարևոր են հատկապես հարաբերությունները նրանց հետ, որոնք ըստ էության արաբական աշխարհի ամենածանրակշիռ պետություններից են։