Саманд за 20 000$ / Samand for $20,000

«Саманд» — адна з чарговых спробаў беларускай аўтапрамысловасці спарадзіць «народны аўтамабіль». Зрэшты, песенька «Саманда» ў Беларусі, бадай, ужо спетая — ад вырабу гэтых аўто вырашылі адмовіцца. Дык што ж гэта за жарэбчык такі — «Саманд»? Як выявілася, гэта сапраўды залаты аўтамабіль. У тым сэнсе, што дазволіць яго сабе можа толькі забяспечаны чалавек. Вось, напрыклад, сталічны таксіст Аляксандр Казачонак уклаў у свой «Саманд» столькі грошай, што аўтамабіль, за які ён аддаў $12500, у выніку, лічы, каштаваў яму 20000$. Праўда, сваю машыну ён не можа цяпер прадаць нават за 5 тысячаў: даў быў аб’яву, ды аніводзін пакупнік не патэлефанаваў. І не дзіва. Каму патрэбная машына, у якой выбухнуў акумулятар, згніў багажнік, а матор увогуле давялося памяняць на іншы. Разбіраем «Саманд» «па костачках» у нашым відэа.