«Кĕмĕл саслă юрăçсем»

20 çул каялла Шупашкарта чăваш эстрада юрăçисемшĕн пĕлтерĕшлĕ юрă уявĕ иртнĕ. Унтанпа унăн шайĕ ӳссех пырать. Сăмахăм Чăваш наци конгресĕ пуçарса янă Пĕтĕм Раççейри «Кĕмĕл сасă» фестиваль пирки. 20-мĕш хут йĕркеленĕ пултарулăх тупăшăвне кăçал вăтăр çамрăк хутшăнчĕ. Кашниех палăрма тăрăшрĕ конкурсра. Анчах гран-прие пĕр çын çеç тивĕçме пултарать. Кăçалхи ăмăрту çĕнтерӳçисемпе Олеся Руссакова паллаштарать.