Православный календарь; Суббота 21 декабря 2024 / 8 декабря 2024

Седмица 26-я по Пятидесятнице. Глас осмый. Рождественский пост. Разрешается рыба Прп. Патапия (VII). Новосщмч. свящ. Иоанна (Кочурова) (1918). Сщмч. Сергия пресвитера (1937). Прп. Кирилла Челмогорского (1367). Апп. от 70-ти Сосфена, Аполлоса, Кифы, Тихика, Епафродита, Кесаря и Онисифора (I). Мчч. 62-х иереев и 300 мирян, в Африке от ариан пострадавших (477). Мц. Анфисы в Риме (V). Св. Софрония, еп. Кипрского (VIII). Св. Валерия еп. Триерского (III). Св. Будока еп. Плоринского. Чтения дня Галатам 3:8-12 Луки 13:18-29 (рядовое) Тропари Прп. Патапия. Тропарь, глас 8: В тебе́, о́тче, изве́стно спасе́ся е́же по обра́зу:/ прии́м бо крест, после́довал еси́ Христу́/ и, дея́, учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бне Пата́пие, дух твой. Кондак, глас 3. Храм твой, свя́те, духо́вное врачевство́ лю́дие обре́тше,/ со тща́нием к нему́ приходя́ще,/ цельбу́ неду́гов про́сят прия́ти,/ реше́ние же в житии́ прегреше́нных:/ ты бо всех су́щих в ну́ждах предста́тель яви́лся еси́,/ Пата́пие преподо́бне. Прп. Кирилла Челмогорского. Тропарь, глас 4. Днесь возсия́ нам пресве́тлая па́мять твоя́, сла́вне/ я́ко со́лнце светоза́рное,/ луча́ми благода́ти озаря́ющи весь мир/ и тьму но́щи злых ду́хов и от нас отгоня́ющи./ Днесь Небе́сныя си́лы святы́х Áнгел, и мирски́й наро́д,/ и ду́ши пра́ведных мы́сленно торжеству́ют, ра́дующеся,/ днесь и мы, гре́шнии, припа́дающе, мо́лимся;/ о́тче преподо́бне Кири́лле,/ Христа́ Бо́га моли́ непреста́нно/ спасти́ град и лю́ди,/ и́же любе́зно тебе́ почита́ющия. Кондак, глас 8. От ю́ности, преподо́бне, вся оста́вль жите́йская, кра́сная же и ле́потная,/ и в пусты́ню всели́вся, усе́рдно после́довал еси Зва́вшему тебе́, преблаже́нне,/ в труде́х же и посте́х, о́тче, те́ло свое́ изнури́л еси́,/ отоню́дуже тя па́стыря Свои́м овца́м до́бре устроя́ет всебога́тый Госпо́дь,/ Кири́лле чудоде́йственниче, мо́ли Христа́ Бо́га/ о приходя́щих с ве́рою и прося́щих свои́х согреше́ний оставле́ние дарова́ти,/ чту́щим любо́вию святу́ю па́мять твою́.