САМАРА МАТБУГАТЫ

Узган гасырның 20-30 нчы елларында Идел буендагы милли республикалардан тыш төрле милләтләр яшәүче Самара, Саратов, Сембер шәһәрләрендә биредә яшәүче төп халыкларның телләрендә газеталар нәшер ителгән. Самара өлкәсендә андый газеталарның саны дистәгә якын була. Ләкин ни кызганыч, әле аларның тарихы, мөхәррирләренең язмышы бүгенгә чаклы тулысынча өйрәнелмәгән. Бу хакта сүз Самарада узган “Татар матбугатыны үткәне һәм бүгенге хәле” дигән фәнни-гамәли конференциядә әйтелде. Анда яңгыраган кайбер кызыклы фикер, тәкъдимнәрне Рамис Сафин тыңлап кайтты.