Марий Эл ТВ: Марий Эл гыч делегаций Санкт-Петербургыш кая

Марий Эл гыч делегаций Санкт-Петербургыш кая. 25 октябрьыште Невский пятачокышто Шарнымаш да Чап Интернационал аллейыште Кугу Отечественный сар годым тушто эрык верч кучедалше марий салтак-влаклан стеллым вераҥдат. Мемориалым марий кундемыште илыше-влакын патырлыкыштым шарнен почыт. Ты пашам виктарымаште Ленинград кундемысе марий-влакын «Ший корно» автономийышт кугу пашам шуктен.