. Time

Իրականում ի՞նչ նպատակով են եկել ԵՄ դիտորդները Հայաստան, ի՞նչ վտանգներ կարող են լինել այդ առաքելությունից, ինչու են իշխանությունները փորձում ռուսական ռազմական ներկայությունը հեռացնել Հայաստանից։ «Աբովյան Time»–ի եթերում այս և այլ հարցերի է անդրադարձել քաղաքագետ Բենիամին Մաթևոսյանը։ Այն, որ Հայաստանը կհայտնվի բլոկադայի մեջ, քաղաքագետը հավանական է համարում` հաշվի առնելով զարգացումները Հայաստանի և Ադրբեջանի միջև դելիմիտացիայի և դեմարկացիայի շուրջ։ «Ադրբեջանն ինքն ասում է, որ իր սահմանները ներառում են Հայաստանի հայտնի 8 գյուղերը։ Եթե բացեք քարտեզը և տեսնեք` Ալիևը ինչ գյուղեր նկատի ունի, կտեսնենք, որ այդ տարածքներով անցնում է ոչ միայն Վրաստան–Հայաստան մայրուղին, այլ նաև գազատարը, Իրանի հետ մեզ կապող ճանապարհն է անցնում։ Եվ եթե Ադրբեջանն այս ամենը ստանում է, ինքը բոլոր հնարավորությունները ստանում է Հայաստանին բլոկադայի ենթարկելու»,–ասաց Մաթևոսյանը։