“Sasna Tsrer“ ensemble - Dabki (Armenian folk dance)

Հայ ժողովրդական «Դաբկի» պարն է՝ Մուսա Լեռից: Կատարում է «Սասնա ծռեր» անսամբլը: Գեղարվեստական ղեկավար՝ հովհաննես Մկրտչյան: Այս պարը, հավանաբար, ծագել է Կիլիկյան Հայոց թագավորության դարերին: Ըստ «Մուսա լեռ» ազգագրական անսամբլի հիմնադիր անդամներից Սարգիս Զեթլիյանի, որն արմատներով մուսալեռցի է՝ ««Դափք» նշանակում է քացի տալ: Այսինքն՝ «Դափքի» նշանակում է քացի տալով պար: Սա խիստ ծանր պար է, որն ընթանում է չորս փուլով: Փուլերի հետ փոխվում է նաև երաժշտությունը: «Դափքին» պարել են հարսանիքների և տոնակատարությունների ժամանակ իշխանազուն ու մեծահարուստ մարդիկ, և պարտադիր՝ տղամարդիկ: Կանայք այս պարին չեն մասնակցել: Պարաշարքում կանգնել են ըստ ունեցած դիրքի և հեղինակության: Հայտնի են լավագույն պարողների անունները, որոնք եղել են Մուսա լեռան հերոսամարտի կազմակերպիչները: Վատ պարողներին, որոնք խախտել են պարաշարքը կամ չեմ ունեցել խրոխտ ու առնյական կեցվածք, իսկույն պարաշարքից դուրս են հանել»: