«Древний Рим» оқиғасы: Армениялық Нарек Гурурян Ресей аумағынан ұсталды

Жұрт жаңа 2019 жылды қарсы алып, арқа-жарқа боп жатқанда, Арқа төсіндегі алып шаһар Қарағандыдан тыныштық қашты. Оны өздеріңіз де білесіздер. Кейін «Бұзақылық әрекет жасады» және «адам өлтірді» деген күдікке ілінген армениялық Нарек Гурурян 9 қаңтар, сәрсенбі күні қолға түсті. Ол Ресейдің Омбы облысының аумағынан ұсталған. Қазіргі уақытта оны Қазақстанға экстрадициялау мәселесі қарастырылып жатыр. Нарек Гурурянның жасы 22-де. Оған 3 қаңтарда халықаралық іздеу жарияланған еді.