СВЯТОЙ ПРЕПОДОБНЫЙ ТИХОН МЕДЫНСКИЙ, КАЛУЖСКИЙ ЧУДОТВОРЕЦ.

#Православие, #Христианство, #русскийсвятой, #ПреподобныйТихонКалужский, #ПреподобныйТихонМедынский, #житиясвятых, #житиеПреподобногоТихонаКалужского, #ПреподобныйТихонМедынскийКалужскийчудотворец, #СвятойпреподобныйТихонМедынскийКалужскийчудотворец Тропарь: Я́ко свети́льник пресве́тлый яви́лся еси́ в Росси́йстей земли́, преподо́бне о́тче наш Ти́хоне, в пусты́ни всели́вся, в не́йже преходя́ жесто́кое жи́тельство, я́ко безпло́тен пожи́л еси́: сего́ ра́ди и чуде́с дарова́нием обога́ти тя Бог. Тем и мы, притека́юще к моще́м твои́м, уми́льно глаго́лем: о́тче преподо́бне, моли́ Христа́ Бо́га, спасти́ся душа́м на́шим. Кондак: Оте́чества удали́вся, преподо́бне, в пусты́ню всели́лся еси́ иде́же жесто́кое житие́ твое́ показа́л еси́ и мно́гих доброде́тельми удиви́в, дарова́ние чуде́с от Христа́ прия́л еси́. Те́мже помина́й нас, чту́щих па́мять твою́, да зове́м ти: ра́дуйся, преподо́бне Ти́хоне, о́тче наш. Молитва: О преподо́бне о́тче наш Ти́хоне! Моли́ ми́лостиваго Бо́га о нас, смире́нных и недосто́йных, раб Бо́жиих (имена), да изба́вит храм (дом) сей и прихо́д наш от вся́ких бед и зол, да отпу́стит нам вся прегреше́ния на́ша, да спасе́т нас благода́тию Свое́ю и сподо́бит ра́дости ве́чныя наслажда́тися в го́рнем о́ном Иерусали́ме ку́пно с тобо́ю и со все́ми святы́ми, от ве́ка Ему́ благоугоди́вшими, в них же в Тро́ице сла́вимый Бог благослове́н есть всегда́, ны́не и при́сно и во ве́ки веко́в. Ами́нь.