Сильная Молитва Богородице от Всех Вражьих Наваждений

Богородице Дево, радуйся, благодатная Марие, Господь с Тобою: благословенна Ты в жена́х, и благословен плод чрева Твоего, яко Спаса родила еси душ наших. О пресвятая Госпоже Владычице Богородице! Вышши еси всех Ангел и Архангел, и всея́ твари честнейши, помощница еси обидимых, ненадеющихся надеяние, убогих заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление. О всемилостивая Госпоже Владычице Богородице! Воздвигни нас из глубины греховныя, и избави нас от глада, губительства, от труса и потопа, от огня и меча, от нашествия иноплеменных и междоусобныя брани, от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подай, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению: и сподоби ны грешныя рабы Твоя царствия Сына Твоего, Христа Бога нашего: яко держава Его благословенна и препро