Գոռ Մկրտչյան - Բա ուրիշները / Gor Mkrtchyan - Ba urishnere

Կիրակնօրյա պաշտամունքի խոսքով մեզ հետ կիսվեց Գոռ Մկրտչյանը։ Խոսքը միմյանց նկատմամբ հոգատարության եւ սրտացավության մասին էր։ Մենք պետք է Աստծո տվածով բաժնեկից լինենք ուրիշների հետ՝ինչպես 4 Թագ. 7։ 3-5-ում այն չորս բորոտները։ Նրանք հայտնեցին թագավորին ասորիների փախուստի մասին՝կոչելով այդ օրը Ավետիքի օր։ Հանցավոր կլինենք, եթե չօգնենք կամ չաղոթենք կարիքավորի համար։Ուրիշի կյանքում ցանողը կհնձի Տիրոջից իր կյանքում։ Հարգված, սիրված, ներված կլինենք, եթե նույնն անենք ուրիշի հանդեպ։ Ծննդ. 18։ 1-11. գրված է «Տեր, եթե շնորհք գտա քո առաջին, աղաչում եմ քեզ, քո ծառայիցը մի անցնիր։ Թող մի քիչ ջուր բերվի եւ լվացեք ձեր ոտքերը եւ ծառի տակին հանգստացեք։ Եւ ես մի պատառ հաց բերեմ Եվ ձեր սրտերը զորացրեք, հետո կգնաք...»։ Աբրահամը տարիներով աղոթել էր Տիրոջը, որ զավակ տա։ Նա գտավ աղոթքի պատասխանի բանալին։ Առատաձեռնորեն հյուրասիրեց այդ մարդկանց իր ամենալավը եւ ստացավ խոստմունք Տիրոջից, որ հաջորդ տարի որդի կունենա։ Սիրելի’ս, եթե ձեռքդ կա զորություն օգտակար եղիր եւ սպասումդ թող լինի Աստծուց։ Եղիր օրհնված։ Ամեն