Ինչու է Հայաստանի անունը հայտնվել Պենտագոնի կայքում. «Աբովյան Time»–ի հյուրը Բենիամին Մաթևոսյանն է

Պենտագոնի կայքում տեղեկությունը Միացյալ Նահանգների կազմակերպած զորավարժություններին Հայաստանի մասնակցության վերաբերյալ պատահաբար կամ տեխնիկական վրիպակի հետևանքով չէր կարող հայտնվել։ «Աբովյան Time»–ի եթերում ասաց քաղաքագետ Բենիամին Մաթևոսյանը։ Քաղաքագետը համեմատական անցկացրեց Հայաստանի համար ՀԱՊԿ զորավարժությունների կարևորության և ամերիկյան զորավարժության վտանգների մասին։ «ՀԱՊԿ–ի զորավարժությունները լեգիտիմ հնարավորություն է տարածաշրջան զորք և զինտեխնիկա բերելու և թողնելու։ Մենք հրաժարվում ենք դրանից և մասնակցում ենք մի զորավարժությունների, որն ընդդեմ դաշնակից ՌԴ–ի է»,–ասաց Մաթևոսյանը։ Նա հարցազրույցի ընթացքում ի թիվս այլ հարցերի անդրադարձել է նաև ՌԴ–ի համար Հարավային Կովկասում խաղաղության կարևորությանն ու նրա շահերին, Արևմուտքի կողմից ՀՀ–ի նկատմամբ հետաքրքրվածության իրական նպատակներին, թշնամու կողմից Հայաստանի տարածքում «Արևմտյան Ադրբեջանի» ձևավորման նպատակներին ու ցեղասպանական նկրտումներին։