СВЯТЫЕ ОТЦЫ. ВСЕМ СВЯТЫМ В ЗЕМЛЕ РУССКОЙ ПРОСИЯВШИМ
НЕДЕЛЯ 2-я ПО ПЯТИДЕСЯТНИЦЕ, ВСЕХ СВЯТЫХ В ЗЕМЛЕ РУССКОЙ ПРОСИЯВШИХ..
МОЛИТВА КО ВСЕМ СВЯТЫМ В ЗЕМЛИ РУССКИЯ
О всеблаженнии и богомудрии угодницы Божии, подвиги своими землю Русскую освятившии и телеса своя, яко семя веры, в ней оставльшии, душами же своими Престолу Божию предстоящии и непрестанно о ней молящиися!
Се ныне, в день общаго вашего торжества, мы, грешнии, меньшии братия ваши, дерзаем приносити вам сие хвалебное пение.
Величаем ваша великия подвиги, духовнии воини Христови, терпением и мужеством до конца врага низложившии и нас от прелести и козней его избавляющии.
Ублажаем ваше святое житие, светильницы Божественнии, светом веры и добродетелей светящиися и наша умы и сердца богомудренно озаряющии. Прославляем ваша великая чудеса, цвети райстии, в стране нашей северней прекрасне процветшии и ароматы дарований и чудес повсюду благоухающии*. *Восхваляем вашу богоподражательную любовь, предстателие наши и покровителие, и, уповающе на помощь вашу, припадаем к вам и вопием: вси святии сродницы наши, от лет древних просиявшии и в последния дни подвизавшиися, явленнии и неявленнии, ведомии и неведомии!
Помяните нашу немощь и уничижение и молитвами вашими испросите у Христа Бога нашего, да и мы, безбедно преплывше житейскую пучину и невредимо соблюдше сокровище веры, в пристанище вечнаго спасения достигнем и в блаженных обителех Горняго отечества вкупе с вами и со всеми угодившими Ему от века святыми водворимся благодатию и человеколюбием Спасителя нашего Господа Иисуса Христа, Емуже со Превечным Отцем и со Пресвятым Духом подобает непрестанное славословие и поклонение от всех тварей во веки веков. Аминь.
КОНДАК РУССКИХ СВЯТЫХ, глас 3
Днесь лик святых, в земли нашей Богу угодивших, предстоит в Церкви*/
и невидимо за ны молится Богу./ Ангели с ним славословят,/
и вси святии Церкве Христовы ему спразднуют,/ о нас бо молят вси купно// Превечнаго Бога.
КОНДАК ВСЕХ РУССКИХ СВЯТЫХ, глас 6
Предстателие страны нашей неусыпныя,/ ходатаи о нас ко Творцу непрестаннии,/ не презрите молений наших,/ но, предваряюще на помощь, яко сродницы наши,/ ускорите на молитву/ и потщитеся на умоление,/
предстательствующе присно о чтущих вас.
ИН ТРОПАРЬ ВСЕХ РУССКИХ СВЯТЫХ, глас 4
Иерусалима Вышняго гражданы,/ от земли нашея возсиявшия/ и Богу во всяцем чину/ и всяким подвигом угодившия,/ приидите, воспоим, вернии:/ о всеблаженнии земли Российския заступницы,/ молитеся ко Господу,/ да помилует сию от гнева Своего,/ исцеляя сокрушение ея,/ и верныя люди Своя утешит...
ВЕЛИЧАНИЕ ВСЕМ СВЯТЫМ В ЗЕМЛЕ РУССКОЙ ПРОСИЯВШИМ
Ублажаем вас, / чудотворцы наши славнии,/ землю Русскую добродетельми вашими озарившии / и образ спасения нам / светоявленно показавшии.
1 view
330
77
11 months ago 00:15:08 1
Память преподобного Амвросия Оптинского (1891)
11 months ago 00:10:54 1
Проповедь Святейшего Патриарха Кирилла в Неделю 20-ю по Пятидесятнице
11 months ago 00:04:36 1
СЛОВО БОЖИЕ. Тихое время с ЖЖ. [Жить жизнью, исполнен- ной Святым Духом] ()
11 months ago 00:04:12 1
Святейший Патриарх Кирилл совершил Божественную литургию в Покровском Хотькове монастыре
11 months ago 00:23:51 1
Ура!!! Восхищение !!! Что происходит в Израиле!!!
11 months ago 00:07:54 1
✨О двух творцах во Вселенной!✨ #община_виссариона
11 months ago 00:04:38 1
Хор Сретенского монастыря “Величит душа моя Господа“
11 months ago 00:57:43 1
ПРОДОЛЖЕНИЕ СЛЕДУЕТ / / ДМИТРИЙ ОЛЕЙНИКОВ
11 months ago 00:21:30 2
«Я видел единую семью». Сщмч. Сергий Мечёв из Кадниковской ссылки. Слово новомучеников 2#25
11 months ago 01:33:38 1
“Раскрою я Псалтырь святую...“ Часть 17. Цикл бесед иерея Константина Корепанова ()