Видео от Насимы Гайсиной

ТЕЛ ҠИММӘТЕН БЕЛҺӘК ИЛ ЙӘШӘР (видиояҙмалағы шиғыр яңыртылды) Уралтауҙан һулыш алып телем Тереһыуым уртлап юл алған. Шуға ла ул йәшәмешле көстә – Киләсәккә табан юл ярған. Дауыл, елдә, утта бешеккән дә, Яҡтылыҡҡа табан үрелгән, Йым-йым янған Етегән йондоҙомдай Гөл - сәскәләй күктә бөрөлгән. Аҡмулланың аҡыл һабағынан Милләтемдең теле матур ул, Сәсәнемдең алтын мәҡәленән Әсәм теле саф та, батыр ул. Туғай-болондарҙа күпме сәскә Шунса бай ҙа минең үҙ телем, Яҙы, йәйе, көҙө, ҡышы булған, Эй, йәмле лә минең үҙ илем! Күтәрәмен телем әләм итеп, Тел булғанда ғына бар милләт, Ҡиммәттәрен белһәк кенә телдең, Йәшәр халҡым ерҙә бай, һиммәт. Нәсимә Ғайсина