Православный календарь Воскресенье 15 декабря 2024 / 2 декабря 2024

Неделя 25-я по Пятидесятнице. Глас осмый. Рождественский пост. Разрешается рыба Прор. Аввакума (VII-VI вв. до Р. Х.). Сщмч. Иоанна пресвитера (1919). Сщмч. Матфея пресвитера (1921). Сщмч. Димитрия пресвитера и прп. Веры исп. (1932). Сщмчч. Алексия, Константина, Николая, Сергия, Владимира, Иоанна, Феодора, Николая, Иоанна, Николая, Павла, Сергия пресвитов, прмч. Данакта, Космы, прмцц. Маргариты, Февронии, Тамары, Антонины и Нимфодоры, и мц. Марии и Матроны (1937). Прмц. Марии (1938). Мч. Бориса (1942). 0Прпп. Афанасия, затворника Печерского, в Ближних пещерах (ок. 1176), и другого Афанасия, затворника Печерского, в Дальних пещерах (XIII). Мц. Миропии (ок. 251). Прпп. Иоанна, Ираклемона, Андрея и Феофила Египетских (IV). Прп. Исе (Иессея), еп. Цилканского (VI) (Груз.). Св. Стефана-Уроша, царя Сербского (1367). Иконы Божией Матери, именуемой “Герондисса“. Свт. Соломона, архиеп. Ефесского. Прп. Кирилла Филеотесского. Прп. Иоанникия Девиченского, монаха (Греч.). Св. Авивы нового (Греч.). Чтения дня Марка 16:9-20 (на утрене. Евангелие 3-e) Ефесянам 4:1-6 Луки 18:18-27 Тропари Тропарь воскресный, глас 8. С высоты́ снизше́л еси́, Благоутро́бне,/ погребе́ние прия́л еси́ тридне́вное,/ да нас свободи́ши страсте́й,/ Животе́ и воскресе́ние на́ше, Го́споди, сла́ва Тебе́. Богородичен, глас тойже. И́же нас ра́ди рожде́йся от Де́вы,/ и распя́тие претерпе́в, Благи́й,/ испрове́ргий сме́ртию сме́рть,/ и воскресе́ние явле́й я́ко Бог,/ не пре́зри, я́же созда́л е́си руко́ю Твое́ю;/ яви́ человеколю́бие Твое́, Ми́лостиве,/ приими́ ро́ждшую Тя Богоро́дицу моля́щуюся за ны;/ и спаси́, Спа́се наш, лю́ди отчая́нныя. Кондак, глас тойже. Воскре́с из гро́ба, уме́ршия воздви́гл еси́,/ и Ада́ма воскреси́л еси́,/ и Éва лику́ет во Твое́м Воскресе́нии,/ и мирсти́и концы́ торжеству́ют/ е́же из ме́ртвых воста́нием Твои́м, Многоми́лостиве. Прор. Аввакума. Тропарь, глас 2. Проро́ка Твоего́ Авваку́ма па́мять, Го́споди, пра́зднующе,/ тем Тя мо́лим:/ спаси́ ду́ши на́ша. Кондак глас 8. Возгласи́вый вселе́нней от ю́га прише́ствие Бо́жие от Де́вы, Авваку́ме Богоглаго́ливе,/ и на Боже́ственней стра́жи предстоя́нием/ слы́шания от светоно́сна Áнгела/ Христо́во Воскресе́ние возвести́л еси́ ми́ру,/ сего́ ра́ди ве́село зове́м ти:/ ра́дуйся, проро́ков све́тлая добро́то. Прп. Афанасия, затворника Печерского, в Ближних пещерах. Тропарь, глас 3. Блаже́нство пла́чущих получи́ти жела́я,/ день и нощь непреста́нно пла́кал еси́,/ име́я во уме́ час Су́дный,/ тем по кончи́не твое́й обре́л еси́ утеше́ние на Небеси́,/ преподо́бне Афана́сие./ Пода́ждь и нам пла́катися зде грехо́в на́ших вы́ну,/ я́ко да пла́ча безконе́чнаго избы́вше,/ та́мо прии́мем ве́чное утеше́ние. Кондак, глас 5. Я́ко безсме́ртия тезоимени́т, по уме́ртвии свое́м воста́л еси́ жив;/ показу́я же, я́ко зело́ люта́ е́сть сме́рть, пла́кался еси́ го́рько./ Ны́не, обре́тши неконча́емую ра́дость,/ моли́ся о нас, я́ко да пла́ча ве́чнаго избу́дем. Прп. Афанасия, затворника Печерского, в Дальних пещерах. Тропарь, глас 7. По име́ни своему́ за труды́ ве́лия/ и всегда́шнее зде умерщвле́ние пло́ти в затво́ре/ безсме́ртную ны́не на Небеси́/ жи́знь насле́довавый,/ мо́лим тя приле́жно:/ моли́ся о нас,/ я́ко да и мы тоя́жде сподо́бимся получи́ти. Кондак, глас 1: Ве́дый ми́ра сего́ суету́ бы́ти тще́тну,/ отврати́лся еси́ ея́,/ не ктому́ сами́ма очи́ма,/ но и всего́ себе́ всеконе́чне, преподо́бне, отврати́в,/ затвори́лся еси́ в те́мней пеще́ре,/ в не́йже в моли́твах и слеза́х многовре́менне потру́ждся/ и обре́т на Небеси́ безконе́чную ра́дость,/ моли́ся непреста́нно за ду́ши на́ша. Св. Стефана-Уроша. Тропарь, глас 3. Ю́ношески процве́л еси́/ во оте́чествии твое́м, добро́тою украше́н,/ и непра́ведную и безвре́менную сме́рть подъя́л еси́,/ У́роше всече́стне;/ ца́рскаго ко́рене пло́д сла́док,/ а́ще и не во вре́мя созре́в,/ в Госпо́дню жи́тницу всели́лся еси́/ и жа́лость ве́лию сро́дству твоему́ оста́вил еси́./ Моли́ся о нас, творя́щих святу́ю па́мять твою́. Кондак, глас 6. Óтрасли благоро́дныя цвет прекра́сный яви́лся еси́, У́роше всече́стне,/ за́вистию бо убие́н был еси́ от твои́х при́сных,/ Бо́жиим же Ду́хом просвеще́н,/ святоро́днаго пле́мене свят был еси́/ и, му́ченическим венце́м увя́зся,/ в черто́зе Небе́снем водворя́ешися./ Моли́ся о нас, свя́те, творя́щих любо́вию па́мять твою́. Прп. Иоанникия Девиченского. Тропарь, глас 1. Поще́нием, моли́твами и благода́тию Боже́ственною просвети́вся,/ земныя́ концы́ све́тло озаря́еши благоче́стно,/ чуде́с благода́ть от Бо́га прие́м,/ исцеля́еши неду́ги, ду́хи же лука́выя от челове́ков отгоня́еши,/ и́же с ве́рою притека́ют к ра́це моще́й твои́х святы́х,/ преподо́бне о́тче наш Иоанни́кие./ Сла́ва Да́вшему ти благода́ть,/ сла́ва Укрепи́вшему тя,/ сла́ва Де́йствующему тобо́ю всем исцеле́ния. Кондак, глас 8. От ю́ности, Богому́дре, возлюби́в а́нгельское житие́,/ вся кра́сная оста́вил еси́,/ за́йде бо, я́коже звезда́ от ми́ра,/ восте́к к разу́мному и пра́ведному со́лнцу, Христу́,/ от Него́ же прие́мь