26 сентября 2024 г.

25 сентябралда районалъул администрациялъул залалда тIобитIана райсобраниялъул депутатазул 28 абилеб сессия. ТIоцебе байбихьилелде райособраниялъул председатель ХI.ГIабдулаевас лъай-хъвай гьабуна Сугъралъ росдал администрациялъул вищарав цIияв бетIерасулгун. Гьев ккола цевехунги районалъул бетIерасул заместительлъун вукIарав МухIамад ГIисаев. Гьедин байбихьана иргадулаб районалъул депутатазул сессия. Бищунго цIикIкIун хабар ккана районалъул росабалъ бугеб магIишаталдасан. Гьелъул бицун кIалъазе вахъана цIи гIуцIараб Хьаргаби токалъул мухъазул идараялъул Гъуниб бугеб отделалъул инжинер ГIалибулатов ГIали. росабалъ токалъул бугеб ахIвал-хIалалдасан рази гьечIел суалал загьир гьаруна Кудалиб, БухтIиб, МохIоб, БацIада, Сугъралъ росабазул вакилзабаз. Районалъул бюджеталда бугеб хиса-басиязул бицун кIалъазе вахъана райфинотделалъул начальникасул заместитель Мурад ХIалимов. Сессиялда гIахьаллъи гьабуна «Гъуниб район» муниципалияб гIуцIиялъул бетIерасул заместитель Заур МухIамадовас. 28 иргадулаб сессия