“Рөстәм Яхин җырлары джазга да ярашлы“

Габдулла Тукай исемендәге татар дәүләт филармониясендә Рөстәм Яхин исемендәге фестивальнең гала-концерты узды. Әлеге чара читтән белгечләр чакырмыйча да эстрада-джаз концерты үткәрә алуны, Татарстанның үз көчле симфоник-джаз оркестры булуын күрсәтте. “Без татарча аудио җыентык әзерлибез. Үз мисалымда телебезнең матурлыгын күрсәтәсем килә. Татарча җырлар репертуарымда артканнан-арта бара. Элек мин популяр җырларны башкара идем, хәзер үз җырларыбыз туа“, дип сөйләде Азатлыкка Динә Гарипова.